حوزہ نیوز ایجنسی کی رپورٹ کے مطابق، اسٹیٹ بینک آف پاکستان نے جامعہ المصطفٰی العالمیہ شعبۂ کراچی پاکستان سے منسلک علماء اور فارغ التحصیلان کے لیے دو روزہ تربیتی کورس کا اہتمام کیا۔
یہ کورس اسٹیٹ بینک آف پاکستان کی اس پالیسی کا ایک تسلسل ہے؛ جس کے تحت جلد پاکستان کے معاشی نظام کو سود سے پاک کیا جائے گا اور جس میں تمام مسالک کے علماء کی نمائندگی ہوگی۔
اس تربیتی کورس کے لیکچرار سید جواد رضوی تھے۔
عالمی لیول پر اسلامی اقتصاد پر گراں قدر کاموں کے باوجود پاکستان میں مکتبِ تشیع کی اس طرف توجہ نہ ہونے کے برابر تھی، لیکن بہرحال کسی کام کو شروع کرنے کے لیے کبھی دیر نہیں ہوتی؛ لہٰذا تمام دینی مدارس کو بھی اس طرف توجہ کرنی چاہیے۔
زہراء اکیڈمی کے سربراہ علامہ شیخ شبیر حسن میثمی نے نیز اس تقریب میں خصوصی شرکت کی اور اس حوالے سے مکمل تعاون کی یقین دہانی کروائی۔
انہوں نے اختتامی خطاب کرنے کے ساتھ ساتھ شرکت کنندگان میں سرٹیفیکیٹ بھی تقسیم کئے۔
اس موقع پر اسٹیٹ بینک آف پاکستان کے عہدیداران اور دوسرے دن کے ٹرینر مفتی اویس نعیم بھی ہمراہ تھے۔
آپ کا تبصرہ